یا أباالفضل

مست اولدی هِیبَتینده ن، میخانه لر، داغیلدی
عطشان لبین گؤرَنده ، پیمانه لر داغیلدی
نورون ایشیق سالاندا، آی گلدی ایلتیماسه
سُؤندون قیامت اولدی، پروانه لر داغیلدی
سن ظولمیلَن ییخیلدین،عشقین بِئلی بوکولدی
دردین حقیقَتینده ن ، افسانه لر داغیلدی
توت أللَریمدَن عبّاس! قالدیم جفا ألینده
ویرانه إئیله اولدوم، ویرانه لر داغیلدی
دیوانه اولدی قلبیم، عبّاس آدی گَلَنده
سَسلَندی یا أبَاالفَضل!، دیوانه لر داغیلدی
عقله سیغیشماسان سن، معنای کِبریاسَن
عشقین جنون گَتیردی،فرزانه لر داغیلدی
***
رباعی:
ایسمیندَ ن ایجابت آلمیشام یا عبّا س
عبّا س دئییب ،اوجالمیشام یا عبّا س

سَسلیراوره ییم،آماندیر ایمدادیمه گل
حاجت قاپیسیندا قالمیشام یا عبّا س

*فرزانه دهقان نژاد