قوزاندی گوی لر

گئیینمیش قاراسین، یئتیشدی یولدان
نیسگیل لر عومانی قانلی محرم
گوزونده شجاعت قلبینده غیرت
اوجاتدی شیعه نی شانلی محرم

اولمادی قارانلیق بورویه بیزی
«آیین» معناسینی آندیق بو آیدا
«گونش» گوزه ریردی، اؤره گییمیزده
آلیشیب اودونا یانیدق بو آیدا

العطش قوزانجاق او خیمه لرده
ابوالفضل اؤزقویدو فراتا ساری
سوون گوز گوسونده اوتاندی بیرده ن
بیر اووج حسینه آپاراباری

یول اوسته اوخلاندی، گوزو یانمادی
او قد کی اوخلانمیش طولوغایاندی
دیشینده سورودو غیرتینی او
یئر- گوی سیزیلدادی دونیا دایاندی

گوز دولاندیردی «شاه»، یالقیز چاغیندا
قوشون دایانمیش دی سس سیز سمیر سیز
یخلدی ابوالفضل قووزاندی گوی لر
توتوق اتگینده ن، او زامان «دنیز»

سکینه حضوری «دنیز»