" یار گلنده"
سید ناصر ولائی، زنجان
بهمن گول آچیر گل ده گولور یار گلنده
بلبل ده چالیر چهچهی دلدار گلنده
یار گورماقینا یاز اوزونی قیشدا یتیردی
یئر گوی گول اولوپ مونس و غمخوار گلنده
بیر پارچا اولان ملتیمیز اوزلری گولدی
هی گولدی سپیر سرور و سردار گلنده
چوخ خاطره میز واردی بیزیم بهمن آییندان
اون ایکّی گونی یوردوموزا یار گلنده
گوزلر هامیسی دوشدی یولا هی گویه باخدی
تیتریردی اورک موسم دیدار گلنده
ایران وطنیم اولدی بوتون میکده عشق
اوز موطنینه ساقی هشیار گلنده
یعقوب کیمین پیر و جوان یوسفی گوزلره
درمان تاپیلار درده پرستار گلنده
گوللر دوزولوپ تا اوپه لر یار قدمیندن
یوخ عمدن اثر مظهر ایثار گلنده
عطرین بوره دی یاسمن و سوسن و نرگس
شهلا گوزولن دلبر عیار گلنده
معشوقه ویریپ عاشقه پیغام وصالی
مستانه قاچیر عشقه گرفتار گلنده
دورموشدی شهیدلر آناسی عکسیلر الده
تا گورسه ده لر الده خریدار گلنده
عشقین چاناقی دولدی داشیپ یاری گورنده
گوزدن یاش آخیر سویگولی خمّار گلنده
شاعر دیمه عاشق یانار اوتدا سسی چیخماز
عشق اهلینه ائت دردیو اظهار گلنده
یان شمع کیمین اوتلارا یار گیتدی الیندان
توک گوز یاشیوی صحبت دلدار گلنده
نظرات
در حال بارگذاری…
منبع: zanjan.hozehonari.ir