شجاعت ابوالفضل / علی صلاحلو

من ابوالفضلم جماعت یادگار مرتضی
هم سپه سالار لشکر هم ئوزوم صاحب لوا
ذرّه پَروا ائتمرم گر عالمی دشمن توتا
آلمیشام درس شجاعت حیدر کرّاریدن
جان قوتارماز بیر نفر شمشیر آتشبارین
جنگ لر اوستادی من فنّ آفرینم ای قوشون
تا نفس وار ، حامی قرآن و دینم ای قوشون
نور چشم مصطفایه من مُعینم ای قوشون
بو ایکی قولار اولا گر ظلمیلن تندن جدا
هِمّتیلن ساخلارام ایمنده قالسین تا لوا
من حسین بن علینین شیر دل عباسیم
یکه تازم ، عرصه هیجاده قاف عَنقاسیم
آل طاهانین بو چولده من سوسوز سقاسیم
سَهمگین بیر حمله ده آلام فراتی ای قوشون
خیمه گاهین سَمتینه سالام فراتی ای قوشون
ساتمسیز دیناره دینی اولموسوز دیندن بَری
چکمیسیز بو کربلایه عترت پیغمبری
سالمسیز آیا نه دن بیر یاده روز مَحشری؟
قویمیون عرشه اوجالسین العطش فریا د ینی
یخمیون د ینون جماعت خا نه آ با د ینی
د اش ئورکلر بسدی الان آخرین فرصتدی بو
چکممیش شمشیریمی اتمام اولان حجتدی بو
تیغ اجل صهبا سیدور ، مندن سیزه قسمتدی بو
شیر مردم ، عرصه هیجاده من حیدر مَثل
ایلرم برپا بو چولده جنگ صفّین و جَمَل
ناگهان غیضیله چکدی بیر اوجا تکبیراودَم
بیر اله پرچم آلیبدور بیر اله شمشیر اودَم
بیر صف روباهه اولدی حمله ورچون شیراودَم
کربلاده ظاهر اولدی قدرت شاه نَجَف
سندی صفلر ، قاچدی لشکر ، چوخ سپاه اولدی تلف
جان آلیر عطشان لبیله کلمه تکبیرلن
تولکولر اولماز برابر عرصده چون شیریلن
جان آلیر خَصم خدادن ، الده کی شمشیرلن
بعضی سسلیر هی قاچون ، بو حیدرکراریدور
بعضی سسلیر، حَمزه دی یا جعفر طیّاریدور
لشکر ظُلامین اُوسته پَر آچیب عَنقا کیمی
قول دوشور،هی باش دوشوربیرسَمته ،قان دریاکیمی
صفلری پوزدی داغیتدی موج طوفان زاکیمی
دوشدی بیر وحشت ، سپاهه قاچدلارچولدن ، چوله
شرح رَزم حیدر ثانی دوشوب دیلدن ، دیله
قدرتُ الله اوغلی قلب لشکره ویردی تکان
یدّی یرلر اضطرابه دوشدی ، هم هفت آسمان
ضَجّه قوزاندی قوشوندان سَسلدیلر اَلامان
فتح ا ئد یب خیبرکن اوغلی سن د یَر سن خیبری
میمنه هم میسره پوزد ی نظا م صفلری

شهریاریم وارمنیم
نیلورم من اوزگه یاری اوز نگاریم وار منیم
هر گوزل گولدن گوزل ، بیر گلعذاریم وار منیم
وَقریمی سیندیرمارام عالمده من ناکس لره
شانلی شهرتلی گونوم ، عِزّ و وِقاریم وار منیم
دَهریده باش اَگمرم من شاهلارا ، سلطانلارا
بیر همایونفر ، دَیَرلی شهریاریم وار منیم
نقد جان سرمایه سین ویرّم نگارین عشقینه
چون اَزلدن یاریله بیله قراریم وار منیم
گوشه چشمیله باخسا ، جان مِسین اِیلر طلا
کیمیادور ، دلبریمدن انتظاریم وار منیم
طعنه چوخ وورما رَقیبا ، مَحضر جانانیده ـ
تُپراق اُولسامدا یقین بیل ، اِعتباریم وار منیم
آفتاب ایلر منی گر ذرّه اُولسام بوتُراب
«لافتی» بزمینده « شاهد » شهسواریم وار منیم