سقا شمایلین چکیرم؛پرده رنگ آلیر

از برگزیده اشعار نخستین کنگره شعر منطقه ای حضرت ابوالفضل (ع)

سقا شمایلین چکیرم؛پرده رنگ آلیر
نقش ایله ییرم قلم گینه سالار آیاقدادیر
قانلی غوروب آخیر گینه الغم کنارینا
یئل لر قانادلانیرنگران آی، محاقدادیر
سونرا سو مشکی جانلانیر، اوخلانماق ایسته ییر
آخسین شهادتی کی حرم لر اوزاقدادیر
هر بیر یئرینده غونچا آچان اوچ پَر اوخ لاری-
بیر آت، یوکو یارا چکیرم کی اوفوقدادیر
مجنون قلم لریم چابالیر خیمه لر چکیر
آغلار اوشاقلارین سو سؤزو گول دوداقدادیر
تصویر اولور گئجه ایله گونوز، مات اولور اونا
هر بیر یارا دئینده دؤشو،لاپ قاباقدادیر
قولسوزدا قووزانیر کی علم یئرده قالماسین
باخ- باخ قامت ایله عَلم، تام شافاقدادیر

علی اصغر اوجاقلو