حضرت ابوالفضل(ع) ین حماسه سینه
صالح سجادی
دحشت لی بیر گئجه یئنه دردین آلیب منی سانجیر بو سوزلرین آجی زهری ایلان کیمین
کؤنلوم چلیخلاییر سنه بیر شعر باشلاسین دوره مده هر نه وار دایانیب دیر زامان کیمین
دفتر اؤنومده باغرین آچیب تیتره ییر الیم هر سطریده لئسین سؤرویور ساغ سولا قلم
بیر آرزی لی جاواندی قلم سان کی جان وئریر جوهر چیخیر قلمدان اینان جان چیخان کیمین
کؤنلوم خاطیر لاییر یئنی دن کربلا چؤلون بیر گون قالیر قیامته هئی ویرنیخیر زامان
بیر بیر کسیب سو یوللارینی نیزه لر صفی گوندوز دی آمما گؤی قیزاریب گون باتان کیمین
بیر گون قالیر قیامته سن دویموسان یقین اوردا چیچیک بؤیوک هامی نین سنده دیر گؤزو
سن دویموسان والده یاشیل شانلی بایراقین قارداش دان اوز چئویرمه مگه بیر نیشان کیمین
جاهیل لرین جهالتی چاتمیشدی گؤر هارا محشر گونو امان وئره نه گتدیلر امان
سن بیر قیامت ائتدین او چولده صاباح کی آه معلوم الوندی قورخو کیمین دیر امان کیمین
آخ او گئجه الین له چیراغلار سؤنن گئجه بیر بیر آزالدی لشگریوین سان وئرن لری
گؤردون آتان علی نه چکیب اوندا کربلا صفین اولدو یا نه بیلیم نهروان کیمین
سن بیر اوزون بوداخلی یاراشیخلی سرویدین گؤیلرده سیر ائدیب یئره دیز چؤکمه دین آمان
دوشمن جیجیکدی قوللارینی سالدی بیر به بیر باغلاردا یاز چاغیندا آغاج داللیان کیمین
قان سو یئرینه آخدی دئسه م سهویدیر بئییم هر داملاسیندا سیزلادی سن سیز لییی فرات
اوخ مشگی یوخ کی دلدی فراتین قابیرقاسین اوخ دیدی مشکه اوندا سودا آخدی قان کیمین
معروف دیر کمان قاس آتار کیپریگ اوخلارین سویله سنین کمان قاشینا اوخ باتیب نیه
مین اوخ سنه دییردی اییلمیردین آخ نه دن بیر اوخ دینده مشگه اییلدین کمان کیمین
اوخ دیمک ایسته میردی گلیردی گوزون اؤپه مستیدی گوزلرین دویا بیلمزدی نیله سین
قالدی اؤپوشده آه ائله چؤلده قاچان زامان یالقیز اوشاقلارین آیاغیندا تیکان کیمین
****
اؤنجه گرک بو بیته آتاندان ایذین آلام بلکه منه غضب ائده سؤز پیس یئره چاتیب
آتدان یوز اوسته توپراغا وای وای دیلیم یانا آتدان یوز اوسته توپراغا دوشدون آتان کیمین
کی سجده دن دورانمادی وئرسین سلامینی آنجاق اوقانلی دستامازین سجده سی گرک
آتدان یوز اوسته توپراغا قولسوز ادا اولا توپراغ دولا قیزیل قانا محراب دولان کیمین
سان کی بو آن بولودلارا باش قالدیریب باشین ایندی آخی آلیب اونو قارداش دیز اوستونه
سان کی او جسمیده نه یاران وار نه قان گئدیر روحون اوچور افق لارا قارتال اوچان کیمین
دحشت لی بیر گئجه ایدی بو شعری یازاندا من امر ائتدینیز شفاعتیزه مفتخر اولام
ایندی اؤنوزده اوگون اوتانجاق دایانمیشام مکتب اوشاقلاری غلط املا یازان کیمین
صالح سجادی، اردبیل
نظرات
در حال بارگذاری…
منبع: zanjan.hozehonari.ir